గుంటూరు జిల్లా తెనాలిలోని కొవిడ్ వైద్యశాల ప్రాంగణంలో అనారోగ్యంతో ఓ వృద్ధురాలు మృతి చెందింది. ఆమెకు స్థానిక హెల్పింగ్ సోల్జర్స్ అనే స్వచ్ఛంద సంస్థ సభ్యులు అంత్యక్రియలు నిర్వహించారు. మూడు రోజుల నుంచి ఆమె ఆసుపత్రి బయట ఉన్నట్లు స్థానికులు తెలిపారు. నిన్న ఆరోగ్యం క్షీణించటంతో మృతి చెందిందన్నారు. విషయం ఆసుపత్రి సిబ్బందికి తెలపగా.. "ఆమె ఆసుపత్రిలో చేరలేదు.. కనీసం ఓపి కూడా రాయించుకోలేదు. కాబట్టి మాకు సంబంధం లేదు" అన్నారని చెప్పారు. దీంతో సమాచారం అందుకున్న హెల్పింగ్ సోల్జర్స్ ఫౌండర్ షేక్.ఇనాయి తుల్లా తమ కమిటీ సభ్యులతో అక్కడికి వచ్చి ఆ మృతదేహానికి అంత్యక్రియలు నిర్వహించి మానవత్వాన్ని చాటుతున్నారు.
ఇదీ చదవండీ.. వైద్యం ఖర్చులు భరించలేక.. కాలువలో దూకి కరోనా బాధితుని బలవన్మరణం
