15 రోజుల్లో కౌలు, పింఛన్​ ఇవ్వకపోతే.. సీఆర్​డీఏ కార్యాలయం ముట్టడిస్తాం..

కౌలు చెక్కులు విడుదల చేయాలంటూ అమరావతి రైతులు భారీ ర్యాలీ నిర్వహించారు. తుళ్లూరు దీక్షా శిబిరం నుంచి సీఆర్​డీఏ కార్యాలయం వరకు రైతులు ర్యాలీ చేశారు. 15 రోజుల్లో తమకు రావాల్సిన కౌలు, పింఛన్‌ ఇవ్వకపోతే విజయవాడలోని సీఆర్​డీఏ కార్యాలయాన్ని ముట్టడిస్తామని రైతులు హెచ్చరిచారు.

కౌలు చెక్కులు విడుదల చేయాలంటూ గుంటూరు జిల్లాలోని తుళ్లూరులో రైతులు భారీ ర్యాలీ నిర్వహించారు. దీక్షా శిబిరం నుంచి తుళ్లూరు సీఆర్​డీఏ కార్యాలయం వరకు అమరావతి రైతులు ర్యాలీ చేశారు. అనంతరం సీఆర్​డీఏ కార్యాలయం వద్ద ధర్నా నిర్వహించారు. రాజధాని ప్రాంతంలో దాదాపు 20 శాతం మందికి కౌలు డబ్బులు రాలేదని రైతులు వాపోయారు. రైతుల ర్యాలీకి తెదేపా నేత శ్రావణ్ మద్దతు ప్రకటించి... ర్యాలీలో పాల్గొన్నారు.