ఏకైక రాజధానిగా అమరావతినే కొనసాగించాలని కోరుతూ రైతులు 304వ రోజు ఆందోళనలు నిర్వహించారు. తుళ్లూరు, మందడం, వెలగపూడి, ఐనవోలు, అనంతవరం, వెంకటపాలెం, కృష్ణాయపాలెం, బోరుపాలెం, అబ్బరాజు పాలెం గ్రామాల్లో రైతులు నిరసన దీక్షలు కొనసాగించారు. తుళ్లూరు, లింగాయపాలెంలో మహిళలు పారాయణం చేస్తూ నిరసనలో పాల్గొన్నారు. మూడు రాజధానులు వద్దు...పరిపాలన రాజధానిగా అమరావతినే కొనసాగించాలంటూ నినాదాలు చేశారు. ప్రభుత్వానికి వ్యతిరేకంగా నిరసనలు తెలిపారు. అమరావతి మునిగిపోతోందంటూ వైకాపా నేతలు చేస్తున్న ప్రచారాన్ని రైతులు ఖండించారు.
ఇదీ చదవండి:
దుర్గ గుడి పైవంతెన ప్రారంభం.... వర్చువల్గా పాల్గొన్న జగన్, గడ్కరీ
