AP GOVT PASSES BILL TO REPEAL THREE CAPITAL LAWS: మూడు రాజధానులు, సీఆర్డీయే రద్దు చట్టాలనుఉపసరిస్తూనే.... మళ్లీ బిల్లు తెస్తామన్న ప్రభుత్వ ప్రకటన అమరావతి రైతులను ఆక్రోశం తెప్పించింది. 3 రాజధానుల నిర్ణయం ఉపసంహరణపై మొదట మిఠాయిలు పంచుకున్న మహిళలు... అసెంబ్లీలో సీఎం ప్రకటన చూసి నివ్వెరపోయారు. వరద బాధితుల్ని ఆదుకోవడంలో ప్రభుత్వ వైఫల్యాల నుంచి దృష్టి మరల్చే ప్రయత్నమని ఆరోపించారు.
MAHAPADAYTRA: అమరావతిని అభివృద్ధి చేయడానికి.. డబ్బు లేదంటున్న వైకాపా ప్రభుత్వం లక్షల కోట్ల అప్పులు ఎలా తెస్తోందని అమరావతి రైతులు ప్రశ్నించారు. రాజధానుల తప్పిదాన్ని సరిద్దుకోకుండా... సీఎం జగన్ మరో తప్పు చేయొద్దని అమరావతి ఐకాస నేతలు హితవు పలికారు. సోమవారం నెల్లూరు జిల్లా కావలి నుంచి కొండ బిట్రగుంట వరకూ పాదయాత్ర చేసిన ఐకాస నేతలు, రైతులు రాత్రి శ్రీ ప్రసన్న వెంకటేశ్వర స్వామి సన్నిధిలో బస చేశారు.
అమరావతి ఉద్యమానికి వచ్చిన విరాళాల నుంచి వర్షాల వల్ల నష్టపోయిన నెల్లూరు, కడప, చిత్తూరు జిల్లాలకు 5 లక్షల రూపాయల చొప్పున.. ఆర్థిక సాయం అందిస్తామని అమరావతి ఐకాస నేతలు వెల్లడించారు.
ఇదీ చూడండి: Repeal three capital laws: రాష్ట్ర ప్రభుత్వం కీలక నిర్ణయం.. 3 రాజధానుల చట్టం ఉపసంహరణ
