ప్రేమ పేరుతో బాలికను ఓ యువకుడు ఎత్తుకెళ్లాడు. బాలిక బంధువులు ఆగ్రహంతో ఆ యువకుడి ఇంటితో సహా సమీప ముస్లింల ఇళ్లపై దాడి చేశారు. ఈ ఘటన గుంటూరు జిల్లా బాపట్ల కర్లెపాలెంలో జరిగింది.
బాలికను తీసుకెళ్లిన యువకుడిపై కేసు నమోదు చేసి పట్టుకోవాలే తప్ప తమ ఇళ్లపై దాడి చేయడం ఏంటని ముస్లింలు రోడ్డుపై బైఠాయించారు. సమాచారం అందుకున్న బాపట్ల డీఎస్పీ శ్రీనివాసరావు, రూరల్ సీఐ శ్రీనివాస్రెడ్డి, ఎస్ఐ అంజయ్య వారికి నచ్చజెప్పేందుకు యత్నించారు. అయినప్పటికీ వారు ఆందోళన విరమించలేదు. ఉపసభాపతి కోనా రఘుపతి అక్కడికి చేరుకుని వారితో మాట్లాడి న్యాయం చేస్తానని హామీ ఇవ్వడంతో ఆందోళనను విరమించారు.
ఇదీ చదవండి: CHILD DEATH: శిశువు మృతి.. వైద్యుల నిర్లక్ష్యమే కారణమని బంధువుల ఆందోళన
