గుంటూరు జిల్లా మంగళగిరిలో ఆస్పత్రి పెడుతున్నామంటూ ఓ వైద్యురాలు తాడేపల్లి మండలం ఇప్పటంలో మాజీ సైనికుడి వద్ద రూ.60 లక్షలు తీసుకొని ముఖం చాటేసింది.
బాధితులు తెలిపిన వివరాల ప్రకారం..
మాజీ సైనికుడు కార్తీక్ భార్యకు వైద్యురాలు రోజారాణి ఫిజియోథెరపీ చేసింది. ఈ క్రమంలో కుటుంబసభ్యులతో చనువుగా మెలిగిన రోజా మంగళగిరిలో ఆస్పత్రి పెడుతున్నామని.. బ్యాంకు నుంచి కోటిన్నర వస్తోందని నమ్మబలికి.. కార్తీక్ వద్ద రూ.60లక్షలు, ఆయన ఇంటి కాగితాలు తీసుకుంది. వారంలో ఇస్తానని చెప్పి నెలలు గడుస్తున్నా రోజా నుంచి సమాధానం లేకపోవడంతో ఈ ఏడాది జులైలో గట్టిగా నిలదీశారు. ఆగస్టులో తన పెళ్లి ఉందని.. అది కాగానే ఇస్తానని చెప్పడంతో కార్తీక్ కాస్తా ఊపిరి పీల్చుకున్నారు. ఆ తర్వాత డబ్బులు అడిగితే మీరు ఎవరో తనకు తెలియదని వైద్యురాలు చెప్పిందని బాధితులు వాపోయారు. స్పందన కార్యక్రమంలో భాగంగా రోజారాణి, ఆమె భర్త ఎస్సై వినోద్ కుమార్పై బాధితులు ఫిర్యాదు చేశారు.
"ఆసుపత్రి నిర్మాణం కోసమని రోజారాణి అనే వైద్యురాలు తమ వద్ద రూ.60లక్షలు తీసుకుంది. అంతేకాకుండా రూ.10 లక్షలు విలువ చేసే బంగారాన్ని కూడా ఆమెకు ఇచ్చాం. ఆమె కొద్ది రోజుల క్రితం పెదకాకాని ఎస్సై వినోద్కుమార్ను పెళ్లి చేసుకుంది. తమ డబ్బులు ఇవ్వమంటే ఇవ్వడం లేదు. ఆమె భర్త ఎస్సై కావడం చేత మాకు భయం వేస్తోంది" -కార్తీక్, బాధితుడు
సంపాదించినదంతా రోజాకి ఇచ్చామని బాధితులు కన్నీటిపర్యంతమవుతున్నారు. డబ్బులు ఇవ్వకపోతే ఆత్మహత్య తప్ప తమకు మరో దారి లేదని బాధితులు వాపోతున్నారు.
ఇదీ చదవండి:
BJP leaders protest: సీఐ ఇస్మాయిల్ను సస్పెండ్ చేయాలి: భాజపా
