లోక్పాల్ నియామకంపై కేంద్ర ప్రభుత్వం ముందడుగు వేసింది. లోక్పాల్ ఛైర్మన్, సభ్యుల నియామకం త్వరితగతిన పూర్తిచేయాలని నిర్ణయించింది.
లోక్పాల్ ఛైర్మన్, సభ్యుల ఎంపిక కోసం జస్టిస్ రంజనాప్రకాశ్ దేశాయ్ నేతృత్వంలో శోధన కమిటీని నియమించింది ప్రభుత్వం. రేపటి నుంచి ఈ నెల 22వరకు దరఖాస్తులు స్వీకరించాలని కమిటీ నిర్ణయించింది. ఈ నెలఖారులోగా ఎంపిక ప్రక్రియ పూర్తిచేయనుంది.
లోక్పాల్ కమిటీ నియామకం కోసం ప్రముఖ సామాజిక కార్యకర్త అన్నా హజారే తన స్వగ్రామం మహారాష్ట్రలోని రాలేగావ్ సిద్ధి గ్రామంలో జనవరి 30 నుంచి ఏడు రోజుల పాటు నిరాహార దీక్ష చేశారు.
