అండగా ఉంటే... కొండనైనా ఢీకొంటా: చంద్రబాబు

రాష్ట్రంలో తెలుగుదేశం గాలి పెను తుపాన్​లా వీస్తోందని ముఖ్యమంత్రి చంద్రబాబు వ్యాఖ్యానించారు. మోదీ, అమిత్​షా రాష్ట్రాన్ని దగా చేశారని మండిపడ్డారు. ఐటీ, ఈడీ దాడులు చేస్తూ... రాష్ట్రంలో అలజడి సృష్టిస్తున్నారని విమర్శించారు.

రాష్ట్రంలో తెలుగుదేశం గాలి పెనుతుపాన్​లా వీస్తోందని ముఖ్యమంత్రి చంద్రబాబు వ్యాఖ్యానించారు. తూర్పుగోదావరి జిల్లా కాకినాడలో నిర్వహించిన ఎన్నికల ప్రచార సభలో పాల్గొన్న ఆయన... రాష్ట్రంపై అందరూ కలిసి కుట్రలు చేస్తున్నారని ఆరోపించారు. మహాభారతంలో కౌరవులు ఓడిపోయి ధర్మమే గెలిచిందని గుర్తుచేశారు. మోదీ, అమిత్​షా రాష్ట్రాన్ని దగా చేశారని మండిపడ్డారు. ఐటీ, ఈడీ దాడులు చేస్తూ...రాష్ట్రంలో అలజడి సృష్టిస్తున్నారని విమర్శించారు.
40 ఏళ్లు రాజకీయాల్లో ఉన్నా ఒక్క కేసులేదని...జగన్​పై మాత్రం 31 కేసులు నమోదయ్యాయని పేర్కొన్నారు. వైకాపా అధికారంలోకి వస్తే ప్రజల భూములు లాక్కుంటారని ఆక్షేపించారు. పోలవరం, అమరావతి తర్వాత బీచ్ రోడ్డుకు ప్రాధాన్యత ఇచ్చామని అన్నారు. కాకినాడను మెగాసిటీగా తయారు చేస్తామని హామీ ఇచ్చారు.

ఇదీ చదవండి