ఈటీవీ భారత్ కథనానికి అధికారులు స్పందించారు. కోనసీమలో సంపూర్ణ లాక్ డౌన్ అమల్లో ఉన్నా కూడా.. మధ్యాహ్నం 12 గంటల నుంచి సాయంత్రం 7 గంటల వరకూ.. మద్యం అమ్మకాలు జరగడంపై వచ్చిన కథనానికి స్పందనగా చర్యలు తీసుకున్నారు. నిత్యవసర సరకుల దుకాణాలకు అనుమతించిన విధంగానే.. ఉదయం 6 గంటలకే మద్యం షాపులు తెరిపించారు. 10 గంటలకు వాటిని మూసివేసేలా చర్యలు తీసుకున్నారు.
తూర్పు గోదావరి జిల్లా కోనసీమలోని కొత్తపేట, బండారులంకలో 5 కరోనా కేసులు నమోదు కావడం ఆందోళన రేపుతోంది. ఈ నేపథ్యంలో అమలాపురం డివిజన్లో ఆర్డీవో భవాని శంకర్ సంపూర్ణ లాక్డౌన్ను ప్రకటించారు. కేవలం నిత్యవసర వస్తువుల దుకాణాలకు మాత్రమే ఉదయం 6 గంటల నుంచి 10 గంటల వరకు తెరిచేందుకు అనుమతిచ్చారు. ఈ క్రమంలో మద్యం దుకాణాలకూ అవే వేళలు వర్తింపజేశారు.
ఇవీ చూడండి:
