ఫ్రిజ్లో దూరిన నల్లత్రాచు
తూర్పుగోదావరి జిల్లాలో ఫ్రిజ్లో దూరిన ఓ పాము అందరిని హడలెత్తించింది. పాసర్లపూడి లంక గ్రామంలోని నాగరాజు అనే వ్యక్తి ఇంట్లో.. కూరగాయలు తీసుకునేందుకు మహిళ ఫ్రిజ్ డోరు తీయగా..బుసలు కొడుతున్న తాచుపాము ప్రత్యక్షమైంది. దాంతో ఆమె డోరు వేయకుండానే భయంతో పరుగులు తీసింది. ఆ పామును పట్టుకునేందుకు ప్రయత్నించినా.. దొరక్కపోవడంతో ఇంట్లోవారు, స్థానికులు భయంతో అల్లాడిపోయారు.
స్థానికంగా ఉండే పాములు పట్టే వ్యక్తి ప్రకాశరావు వచ్చి పామును పట్టి సంచిలో బంధించడంతో అంతా ఊపిరి పీల్చుకున్నారు. ఆ తరువాత ఈ తాచుపామును జనసంచారం లేని ప్రాంతంలో విడిచిపెట్టారు.
ఇదీ చూడండి. Tungabhadra: నిండుకుండలా తుంగభద్ర..మొదటి ప్రమాద హెచ్చరిక జారీ
