గోదావరి ఎగపోటు... శబరి నది ఉగ్రరూపం...
తూర్పుగోదావరి జిల్లా కూనవరం మండలంలో కోండ్రారాజపేట వద్ద చింతూరు-కూనవరం మండలాల మధ్య ప్రధాన రహదారిపై వరద నీరు చేరటంతో రెండు మండలాల మధ్య రాకపోకలు నిలిచిపోయాయి. చింతూరు-వరరామచంద్రపురం మండలాల మధ్య సోకులేరు, చీకటివాగు వద్ద ప్రధాన రహదారిపై వరద నీరు చేరుకుంది. ఈ మండలాల మధ్య రాకపోకలు నిలిచిపోయాయి. చింతూరు మండలంలోని ముకునూరు, పెద్ద సీతనపల్లి, చదలవాడ పంచాయతీలోని సుమారు 25 గ్రామాలకు రాకపోకలు నిలిచిపోవటంతో ఆ ప్రాంత ప్రజలు తీవ్ర ఇబ్బందులకు గురవుతున్నారు. నిత్యావసర వస్తువులు కొనుగోలు చేసేందుకు అవస్థలు పడుతున్నారు. చింతూరు నుంచి ఒడిశా వెళ్లే జాతీయ రహదారిపై నిమ్మలగూడెం వద్ద వరద నీరు చేరుకోవటంతో రెండు రాష్ట్రాల మధ్య రాకపోకలు నిలిచిపోయాయి.
ఇది కూడా చదవండి.
