మొరాయిస్తున్న సర్వర్... లబ్దిదారుల ప'రేషాన్'

రాష్ట్రవ్యాప్తంగా లాక్​డౌన్ అమలులో ఉన్నందున ప్రభుత్వం రేషన్ కార్డుదారులందరికీ బియ్యం పంపిణీ చేయాలని నిర్ణయించింది. అయితే కొన్ని చోట్ల సరకుల సరఫరాలో సర్వర్ మొరాయిస్తుండటంతో లబ్దిదారులు అవస్థలు పడుతున్నారు. తూర్పుగోదావరి జిల్లాలో ఈ సమస్య అధికంగా ఉంది.

తూర్పు గోదావరి జిల్లా రాజమహేంద్రవరం, రాజానగరం నియోజకవర్గాల్లోని కొన్ని గ్రామాల్లో రేషన్ సరకులు పంపిణీ చేసేందుకు ఉపయోగించే సర్వర్ పని చేయడం లేదు. ఉదయం 6 గంటల నుంచి మధ్యాహ్నం 1గంట వరకు పంపిణీ చేస్తున్నందున లబ్దిదారులు ఇబ్బందులు ఎదుర్కొంటున్నారు. ఈ సమయంలో సాంకేతిక సమస్యతో జాప్యం జరుగుతోంది. ఎండలో నిలబడలేక ప్రజలు అనారోగ్యానికి గురవుతున్నారు. రాజానగరం నియోజకవర్గంలోని దివాన్ చెరువు గ్రామంలో యువత, గ్రామ వాలంటీర్స్ సంయుక్తంగా రేషన్ షాపుల వద్ద టెంట్లు వేసి ఎండ నుంచి ఉపశమనం కల్పిస్తున్నారు.

ఇదీ చదవండి.