ఇళ్ల స్థలాల పంపిణీకి చేస్తున్న స్థల సేకరణ ప్రక్రియ... తూర్పు గోదావరి జిల్లా గోకవరం మండలం ఇటికాయలపల్లిలో ఉద్రిక్తతకు దారి తీసింది. గ్రామంలో సుమారు 60 సెంట్ల భూమిని ఇళ్ల స్థలాలకు కేటాయంచాలని అధికారులు భావించారు. ఆ స్థలాన్ని అనుకుని ఉన్న గ్రామకంఠం భూముల్లో కొందరు పాకలు, గడ్డిమేట్లు వేసుకున్నారు. వాటిని ఖాళీ చేయాలని అక్కడివారిని ఆదేశించారు. తమ పూర్వీకుల నుంచి అక్కడే ఉంటున్నామని... ఆ స్థలాలు క్రయ విక్రయాలు జరిగాయని, తమ వద్ద పత్రాలు ఉన్నాయన్నాని గ్రామస్తులు చెప్పారు. అవేమీ చెల్లవంటూ రెవెన్యూ, పంచాయతీ అధికారులు పోలీసుల సహాయంతో అక్కడకు చేరుకున్నారు.
ప్రొక్లెయినర్తో వాటిని... ఖాళీ చేయిస్తుండగా స్థానికులు అడ్డుపడ్డారు. ఈ మేరకు పోలీసులకు స్థానికులకు మధ్య ఘర్షణ జరిగింది. ఒక బాలిక కాలుకు తీవ్ర గాయాలు కాగా.. చాలామంది గాయపడ్డారు. బాలికను వెంటనే రాజమహేంద్రవరం ప్రభుత్వ ఆసుపత్రికి తరలించారు.
ఇదీ చదవండి:
