కేంద్ర కారాగారం ఆధ్వర్యంలో బంకు.. ఖైదీలే సిబ్బంది

ఖైదీల్లో పరివర్తన తీసుకొచ్చే ప్రయత్నంలో భాగంగా.. పెట్రోల్ బంకు నిర్వహిస్తున్నామని జైళ్ల శాఖ డీఐజీ శ్రీనివాసరావు తెలిపారు. రాజమహేంద్రవరం కేంద్రకారాగారం ఆధ్వర్యంలో నిర్వహించే నూతన పెట్రోల్​ బంకు​ను ఆయన ప్రారంభించారు.

రాజమహేంద్రవరం కేంద్రకారాగారం ఖైదీల ఆధ్వర్యంలో నిర్వహించేందుకు... పెట్రోల్‌ బంకు ఏర్పాటుచేశారు. జైళ్ల శాఖ డీఐజీ శ్రీనివాసరావు ప్రారంభించారు. ఖైదీల్లో పరివర్తన తీసుకొచ్చే చర్యల్లో భాగంగా.. పెట్రోల్​ బంకు నిర్వహణ సిబ్బందిగా నియమిస్తునట్లు తెలిపారు. సుమారు రూ.4 కోట్లలతో నిర్మించిన ఈ బంకులో మొత్తం 60 మంది సిబ్బంది పనిచేస్తారని చెప్పారు.

వినియోగదారుల కోసం... స్వీట్‌ స్టాల్‌, కార్‌వాష్‌, అరకు కాఫీ స్టాల్​తో పాటు.. మరిన్ని ఇతర వసతులు కల్పిస్తున్నామన్నారు. భవిష్యత్తులో ఈ బంకును మరింత విస్తరిస్తామని తెలిపారు. జైళ్లలో ఉండే ఖైదీల మాసనిక పరివర్తన తీసుకొచ్చే విధంగా ఇటువంటి చర్యలు చేపడుతున్నట్లు శ్రీనివాసరావు చెప్పారు. కేంద్రకారాగారం సూపరింటెండెంట్‌ సాయిరామ్‌, ఇతర అధికారులు పాల్గొన్నారు.

ఇవీ చూడండి : పార్టీనేతలతో పవన్‌కల్యాణ్‌ సమావేశం