కార్తిక పౌర్ణమి సందర్భంగా తూర్పుగోదావరి జిల్లా అన్నవరం దేవస్థానంలో జ్వాలా తోరణం కార్యక్రమం ఘనంగా జరిగింది. ముందుగా స్వామి, అమ్మవార్ల ఉత్సవ మూర్తులను పల్లకిలో ఉంచి ప్రత్యేక పూజలు చేశారు. తూర్పు రాజ గోపురం వద్ద ఇరువైపుల కర్రలు కట్టి పూజ చేసిన గడ్డి చుట్టి మధ్యలో నిప్పు పెట్టారు. పైన నిప్పు వెలుగుతుండగా స్వామి, అమ్మవార్లను పల్లకిలో మూడు సార్లు తిప్పారు. కరోనా నేపథ్యంలో ఈ ఏడాది జ్వాలా తోరణం కార్యక్రమం కొండపై నిర్వహించారు. భక్తులను అనుమతించలేదు. కొద్ది మంది వైదిక బృందం, అధికారులతో నిర్వహించారు.
ఇవీ చదవండి
