తహసీల్దార్​కు కరోనా.. కిందస్థాయి ఉద్యోగుల్లో ఆందోళన

ఆత్రేయపురంలో తహసీల్దార్​కు కరోనా సోకడం కిందస్థాయి అధికారుల్లో కలకలం రేపింది. ఎమ్మార్వోకు శనివారం పరీక్షలు చేయగా వైరస్​ పాజిటివ్​ వచ్చినట్లు ఆత్రేయపురం వైద్యాధికారి తెలిపారు.

తూర్పుగోదావరి జిల్లా ఆత్రేయపురంలో తహసీల్దార్​కి కరోనా పాజిటివ్​గా నిర్ధారణ అయినట్లు ఆత్రేయపురం పీహెచ్​సీ వైద్యాధికారి శ్రీనివాస్​ వర్మ తెలిపారు. శనివారం తహసీల్దార్​ నుంచి నమూనాలు సేకరించి.. పరీక్షించగా వైరస్​ పాజిటివ్​గా తేలినట్లు చెప్పారు. ఈ క్రమంలో అధికార యంత్రాంగం అప్రమత్తమైంది. తహసీల్దార్​ కార్యాలయం, పరిసరాల్లో పారిశుద్ధ్య చర్యలు చేపట్టారు. ఇటీవల ఆయన క్షేత్రస్థాయిలో సమావేశాలు నిర్వహించడం వల్ల కింది స్థాయి ఉద్యోగుల్లో ఆందోళన మొదలైంది.

ఇదీ చూడండి..