మద్యం సేవించి.. గుర్తు తెలియని వ్యక్తి మృతి

అతిగా మద్యం సేవించి గుర్తు తెలియని వ్యక్తి మృతి చెందాడు. ఈ ఘటన రావులపాలెంలో చోటుచేసుకుంది.

తూర్పుగోదావరి జిల్లా రావులపాలెంలో గుర్తు తెలియని వ్యక్తి ఆర్టీసీ బస్టాండ్ పక్కన ఉన్న దుకాణంలో అతిగా మద్యం సేవించాడు. రాత్రి దుకాణం బయట పడుకున్నాడు. మంగళవారం ఉదయం అపస్మారక స్థితిలో పడుకొని ఉండడంతో స్థానికులు చూసి అంబులెన్స్​కు ఫోన్ చేశారు. కొత్తపేట ప్రభుత్వ ఆసుపత్రికి తీసుకెళ్తుండగా మార్గ మధ్యలో మృతి చెందాడు. పోలీసులు కేసు దర్యాప్తు చేస్తున్నారు.