అదుపు తప్పింది...మృత్యువు హత్తుకుంది

తూర్పుగోదావరి జిల్లా రాజానగరం మండలం దివాన్​ చెరువు వద్ద జాతీయ రహదారిపై ముందున్న లారీని తప్పించబోయి ఆగిఉన్న కారును లారీ ఢీ కొట్టింది. ఈ ఘటనలో కారు డ్రైవరు చనిపోగా... ఆరుగురి పరిస్థితి విషమంగా ఉంది. చికిత్స కోసం దగ్గర్లో ఉన్న జీఎస్‌ఎల్‌ ఆసుపత్రికి తరలించారు.

తూర్పుగోదావరి జిల్లా రాజానగరం మండలం దివాన్​ చెరువు వద్ద 16 నెంబరు జాతీయ రహదారిపై రోడ్డు ప్రమాదం సంభవించింది. నిశ్చితార్థానికి విశాఖపట్నం వెళ్తున్న కారు... పండ్ల దుకాణం వద్ద కారును ఆపి డ్రైవర్​ కిందకు దిగాడు. అదే సమయంలో రహదారిపై వెళ్తున్న లారీ... మరో లారీని తప్పించబోయి నేరుగా కారును ఢీకొట్టి అర కిలోమీటరు దాకా ఆగకుండా దూసుకెళ్లింది.ఈ ప్రమాదంలో కారు డ్రైవరు అక్కడికక్కడే చనిపోగా... కారులో ఉన్న నలుగురికి, పండ్ల దుకాణ వ్యాపారులకు తీవ్ర గాయలయ్యాయి. ఆరుగురినిచికిత్స నిమిత్తం జీఎస్ఎల్ ఆసుపత్రికి తరలించారు. వారిలో ఇద్దరి పరిస్థితి ఆందోళనకరంగా ఉంది. ఘటనా స్థలానికి వచ్చి పరిశీలించిన ట్రాఫిక్​ సీఐ మంగాదేవి... కేసు నమోదు చేసి దర్యాప్తు చేపట్టారు.