తూర్పు గోదావరి జిల్లా రావులపాలెం మండలం దేవరపల్లిలో నిబంధనలకు విరుద్ధంగా.. రవాణా చేసేందుకు సిద్ధంగా ఉంచిన 4.5 టన్నుల పీడీఎస్ బియ్యాన్ని రాజమహేంద్రవరం విజిలెన్స్ ఎన్ఫోర్స్మెంట్ అధికారులు సీజ్ చేశారు. దేవరపల్లిలో అక్రమంగా బియ్యాన్ని నిల్వ చేసినట్టు అందిన సమాచారంతో జిల్లా విజిలెన్స్ ఎస్పీ ఉప్పాడ రవి ఆదేశాల మేరకు సి.ఐ వి.సత్యకిషోర్ ఆధ్వర్యంలో అధికారుల బృందం దాడులు నిర్వహించాయి.
కర్రి రామిరెడ్డి అనే వ్యక్తి పీడీఎస్ బియ్యాన్ని అక్రమంగా కొనుగోలు చేసి రవాణా చేసేందుకు సిద్ధంగా ఉంచారని తమకు సమాచారం అందిన మేరకు దాడి చేసి సీజ్ చేసినట్లు సీఐ సత్య కిషోర్ తెలిపారు. రామిరెడ్డితో పాటు ముగ్గురు ఆటో డ్రైవర్లపై రావులపాలెం పోలీస్ స్టేషన్లో క్రిమినల్ కేసులు నమోదు చేసినట్లు చెప్పారు. నాలుగు వాహనాలు సీజ్ శామని.. మొత్తంగా నలుగురిని అదుపులోకి తీసుకుని విచారణ చేన్నామని వివరించారు.
ఇదీ చదవండి:
