గోదావరి పరవళ్లు...చుట్టూ పచ్చికబయళ్లు

చుట్టూ పచ్చికబయళ్లు... మధ్యలో గోదారమ్మ పరవళ్లు.. చూడటానికి రెండు కళ్లు చాలవు అన్న తరహా పకృతి అందాలు. ఇదీ తూర్పుగోదావరి జిల్లా పి. గన్నవరం నియోజకవర్గంలోని గోదావరి పరివాహాక ప్రాంతంలోని ఆహ్లాద దృశ్యం. గలగలపారే గోదావరి అందాలను, సొగసుగా సాగే కాలువలను చూసేందుకు జనాలు భారీగా తరలివస్తున్నారు.

గోదావరి వరద పరవళ్ళు కొన్ని చోట్ల కనువిందు చేస్తున్నాయి. పచ్చిక బయళ్లతో చుట్టూ వరద నీరు ప్రవహిస్తూ ఉన్న ప్రాంతం చూపరులను ఆకట్టుకుంటోంది. తూర్పుగోదావరి జిల్లా పి గన్నవరం నియోజకవర్గంలోని వైనతేయ వద్ద గోదావరి వరద ఉద్ధృతిగా సాగుతోంది. వీటికి తోడు పచ్చని ప్రకృతి అందాలు ఆహ్లాదాన్ని పంచుతున్నాయి.