పోశమ్మగండి - పి.గొందూరు మధ్య వరద ఉద్ధృతి.. నిలిచిన రాకపోకలు

తూర్పు గోదావరి జిల్లా దేవీపట్నం వద్ద గోదావరి ప్రవాహం పెరుగుతోంది. పోశమ్మగండి-పి.గొందూరు మధ్య రహదారి పైకి నీరు చేరడంతో బయట ప్రాంతాలకు రాకపోకలు నిలిచాయి.

ఎగువ ప్రాంతాల్లో కురుస్తున్న వర్షాల కారణంగా తూర్పు గోదావరి జిల్లా దేవీపట్నం వద్ద గోదావరి ప్రవాహం పెరుగుతోంది. గురువారం ఉదయానికి భారీగా వరద పెరగడంతో పోశమ్మగండి వద్ద ఇళ్లన్నీ మునిగాయి. పోశమ్మగండి-పి.గొందూరు మధ్య రహదారి పైకి నీరు చేరడంతో బయట ప్రాంతాలకు రాకపోకలు నిలిచాయి. గండిపోశమ్మ అమ్మవారి దర్శనాలను తాత్కాలికంగా నిలిపివేశారు. పాపికొండలు విహారయాత్రకు వెళ్లే పర్యాటక బోట్లు ఒడ్డుకు చేరాయి. పూడిపల్లి, దేవీపట్నం, తొయ్యేరు గ్రామాలను వరద నీరు వీడలేదు. దండంగి-చినరమణయ్యపేట మధ్య సీతపల్లి మధ్య రాకపోకలు స్తంభించాయి. ముంపు గ్రామాల్లో సుమారు రెండు నెలలుగా నీళ్లలో నానుతూ ఉండటంతో పలు ఇళ్లు కూలిపోతున్నాయని నిర్వాసితులు ఆవేదన చెందుతున్నారు.

ఇదీ చదవండి: Bribe: లంచం తీసుకుంటూ అనిశా వలకు చిక్కిన ఏడీఏ