తూర్పుగోదావరి జిల్లా తాళ్ళరేవు, ఐ.పోలవరం, ముమ్మడివరం, కాట్రేనికోన మండలాలలో సుమారు ఐదు వేల హెక్టార్ల వరి సాగవుతుంది. అందులో కౌలు రైతులే ఎక్కువ. తొలకరి పంట పూర్తిగా నష్టపోవడంతో రెండో పంట వేసేందుకు కౌలురైతులు వెనుకాడుతున్నారు. కౌలుకు తీసుకున్న చేలల్లో ఎటువంటి పనులు చేపట్టకుండా వదిలేశారు. సొంతంగా సాగు చేసుకుంటున్న వాళ్లు మాత్రం పొలాల్ని చదును చేసి, వెదజల్లు పద్ధతిలో విత్తునాట్లు వేశారు. ఇన్ని వర్షాలు పడినా కాలువ చివరి భూములకు ఇప్పుడు కూడా నీరు అందడం లేదు. ఇక పంట వేసిన తర్వాత పరిస్థితి ఏ విధంగా ఉంటుందోనని బెంబేలెత్తుతున్నారు. దాంతో ఈ నెలాఖరు నాటికి పూర్తిస్థాయిలో నాట్లుపడే పరిస్థితి కనిపించడం లేదు.
ఇదీ చదవండి: నల్లమిల్లి ఆరోపణలన్నీఅవాస్తవం: ఎమ్మెల్యే సూర్యనారాయణ
