ఐదేళ్లుగా పక్షులకు ఆహారం అందిస్తున్న సుందరరావు
ఐదేళ్లుగా పక్షుల కోసం ధాన్యాన్ని.. ఉదయం, సాయంత్రం గోడ మీద వేయటం ఆ రైతుకి పరిపాటిగా మారింది. మెుదట రెండు మూడు పిచుకులతో మెుదలైన ప్రయాణం.. ఇప్పుడు రామచిలుకలు, ఉడుతల వరకు వచ్చింది.
తూర్పుగోదావరి జిల్లా కాకినాడ గ్రామీణ మండలం రేపూరుకు చెందిన సుందరరావుకు పక్షుల కిలకిలారావాలు అంటే ఎంతో ఇష్టం. ఆ మక్కువతోనే పక్షలు ఆకలి తీర్చేందుకు.. ఇళ్లనే వేదికగా చేసుకొని ఐదేళ్లుగా నిరంతరాయంగా వాటికి ఆహారం, నీళ్లు అందిస్తున్నారు. తన ఇంటి ప్రహరీపై ధాన్యం గింజలను వేయగానే.. రామచిలుకలు, పిచ్చుకలు, ఉడుతలు వాలి పోతాయి. పక్షుల మేత కోసం తన పొలంలో పండిన ధాన్యాన్ని వినియోగిస్తున్నట్లు సుందరరావు తెలిపారు.
ఇదీ చదవండి: చిత్రం భలారే విచిత్రం: కోతి పిల్లతో కొండముచ్చు స్నేహం
