తూర్పు గోదావరి జిల్లా అనపర్తి జీబీఆర్ ఇంజినీరింగ్ కళాశాలలో ఈనాడు స్పోర్ట్స్ లీగ్ పోటీలు జరిగాయి. మొదటిరోజు వాలీబాల్ లో 16 జట్లు, కబడ్డీ లో 29, ఖోఖో నుంచి 5, బాడ్మింటన్ డబుల్స్లో 14 జట్లు హోరాహోరీగా తలపడ్డాయి. బ్యాడ్మింటన్ డబుల్స్లో అనపర్తికి చెందిన ఎమ్.ఎన్.ఆర్. జూనియర్ కళాశాలపై.. రాజమహేంద్రవరానికి చెందిన వీటీ జూనియర్ కళాశాల విజయం సాధించింది. బ్యాడ్మింటన్ సింగిల్స్ లో 33 మంది పాల్గొనగా రాజమహేంద్రవరం వీటీ జూనియర్ కళాశాలకు చెందిన శ్రీను, మెగా జూనియర్ కళాశాలకు చెందిన సతీష్ పై విజయం సాధించాడు.
వాలీబాల్ తుది పోరులో రాజానగరానికి చెందిన దివ్య జూనియర్ కళాశాల, రాజమహేంద్రవరానికి చెందిన మాతృశ్రీ జూనియర్ కళాశాల పై విజయం సాధించింది. ఖోఖో ఆఖరి మ్యాచ్లో రాజానగరనికి చెందిన గాయిత్రిదేవి జూనియర్ కళాశాలపై దివ్య జూనియర్ కళాశాల గెలుపొందింది. చదరంగంలో 9 మంది పాల్గొనగా అనపర్తికి చెందిన జీబీఆర్ జూనియర్ కళాశాల విద్యార్థులు జాషువా, సాగర్లో మొదటి రెండు స్థానాల్లో నిలిచారు.
ఇవీ చూడండి..
