తూర్పుగోదావరి జిల్లా జగ్గంపేట నియోజకవర్గాన్ని అభివృద్ధి పనుల నిర్మాణంలో మొదటి స్థానంలో నిలపాలని జాయింట్ కలెక్టర్ జీ. రాజకుమారి అన్నారు. నియోజకవర్గంలో అభివృద్ధి కార్యక్రమాలపై సమీక్ష నిర్వహించారు. ఈ కార్యక్రమంలో ఎమ్మెల్యే జ్యోతుల చంటిబాబు, అధికారులు పాల్గొన్నారు.
జేసీ మాట్లాడుతూ.. జిల్లాలో భవన నిర్మాణాలలో నాలుగో స్థానంలో ఉందన్నారు. పనులు త్వరితగతిన పూర్తిచేయాలని సూచించారు. 4 మండలాల్లో సచివాలయాలు, హెల్త్ క్లినిక్లు, రైతు భరోసా కేంద్రాలు మంజూరయ్యాయని తెలిపారు. ఇసుక, సిమెంట్ కొరతతో నిర్మాణాలు ఆలస్యమవుతున్నాయని ఎగ్జిక్యూటివ్ ఏజెన్సీలు జేసీ దృష్టికి తీసుకువచ్చారు. ఈ సమస్యలు అధిగమించడానికి ప్రభుత్వ యంత్రాంగం చర్యలు తీసుకుంటుందని జేసీ తెలిపారు. అందరూ సమన్వయంతో పనిచేసి పనులు వెంటనే పూర్తిచేయాలని ఆదేశించారు.
