అరటి రైతుపై కరోనా పిడుగు.... అమాంతం పతనమైన ధరలు

కరోనా వైరస్ దెబ్బకు అరటి రైతు కుదేలయ్యాడు. కొనుగోలుదారులు లేక... ఎగుమతులు నిలిచిపోవటంతో పంటను ఏమి చెయ్యాలో దిక్కుతోచక మార్కెట్​ మార్డుల్లోనే వదిలివెళ్లిపోతున్నారు రైతులు.

తూర్పు గోదావరి జిల్లా రావులపాలెం అరటి మార్కెట్ యార్డు రాష్ట్రంలోనే అతి పెద్దది. ఈ యార్డులో ఏటా 5 లక్షల టన్నుల ఎగుమతులు జరుగుతూ, రాష్ట్రంలోనే ప్రథమ స్థానంలో ఉండేది. నిత్యం రద్దీగా ఉండే ప్రాంతం కొనుగోలుదారులు లేక ప్రస్తుతం బోసిపోయింది. కరోనా దెబ్బకు అరటి ధర అమాంతం పతనం కావటంతో రైతు కుదేలయ్యాడు. లాక్​డౌన్ నేపథ్యంలో ఎగుమతులు నిలిచి పోవటంతో తీసుకొచ్చిన అరటి గెలలను ఏమి చేయాలో తెలియక మార్కెట్ యార్డుల్లోనే విడిచి వెళ్లిపోతున్నారు రైతులు. ఆ అరటి గెలలు కుళ్లిపోతున్నాయి. ప్రభుత్వం ఇప్పటికైనా తమను ఆదుకోవాలని, లేకపోతే అప్పుల ఊబిలో కూరుకుపోతామని రైతులు వేడుకుంటున్నారు.

ఇదీ చదవండి: ఉచిత బియ్యం కోసం అర్ధరాత్రి నుంచే బారులు