అన్నవరం దేవస్థానం, పట్టణాన్ని.. కేంద్రం 'ప్రసాద్ పథకం'లో చేర్చింది. ఈ అంశాన్ని కేంద్ర ప్రభుత్వం.. రాష్ట్ర ప్రభుత్వానికి లేఖ రాసిందని పర్యటకశాఖ మంత్రి అవంతి శ్రీనివాస్ తెలిపారు. గతంలో సింహాచలం దేవస్థానం కూడా 'ప్రసాద్ పథకం'లో ఎంపిక కావడంతో రూ.53 కోట్ల నిధులు వచ్చాయన్నారు. కరోనా కారణంగా ఈ పనులు కాస్త ఆలస్యం అయ్యాయన్నారు. త్వరలోనే కేంద్ర నిధులతో అన్నవరం దేవాలయాన్ని అభివృద్ధి చేస్తామని స్పష్టం చేశారు. జాతీయ స్థాయిలో అన్నవరం దేవాలయానికి ప్రాచుర్యం ఉందన్నారు.
రాష్ట్రంలో దేవాలయాల సర్క్యూట్లను అభివృద్ధి చేసి పర్యటకులను ఆకర్షించాలని నిర్ణయం తీసుకున్నట్లు మంత్రి అవంతి తెలిపారు. రాష్ట్రవ్యాప్తంగా శిథిలావస్థకు వెళ్లిన పర్యాటక ఆస్తులను అభివృద్ధి చేసేందుకు ప్రైవేట్ భాగస్వామ్యం కోరుతున్నామన్నారు. మొత్తం 28 చోట్ల ఉన్న పర్యటక శాఖ ఆస్తులను అభివృద్ధి చేయడమే దీని లక్ష్యమన్నారు. ఆసక్తి ఉన్న సంస్థలు, ప్రైవేట్ వ్యక్తులు పర్యాటక శాఖ బిడ్డింగ్లో పాల్గొనవచ్చని పిలుపునిచ్చారు. వివిధ చోట్ల ఉన్న హరిత హోటళ్ల గదులను ఆధునికీకరణ చేసేందుకు నిర్ణయం తీసుకున్నట్లు మంత్రి అవంతి తెలిపారు.
ఇదీ చదవండి:
