అన్నవరం సత్యదేవునికి వైభవంగా జన్మనక్షత్ర పూజలు

తూర్పుగోదావరి జిల్లా అన్నవరం సత్యదేవుని జన్మ నక్షత్రం సందర్భంగా స్వామివారికి విశేష పూజలు, అభిషేకాలు నిర్వహించారు.

తూర్పుగోదావరి జిల్లా అన్నవరం సత్యనారాయణ స్వామి జన్మ నక్షత్రం మఖ పర్వదినం సందర్భంగా ప్రత్యేక పూజలు నిర్వహించారు. మూల విరాట్ కు పంచామృత అభిషేకాలు చేశారు. యాగశాలలో ఆయుష్య హోమం, పూర్ణాహుతి జరిగాయి.

అన్నవరం దేవస్థాన బడ్జెట్​కు అనుమతి:
2019-20 ఆర్థిక సంవత్సరానికి గాను తూర్పుగోదావరి జిల్లా అన్నవరం దేవస్థానం రూ. 138.92 కోట్ల బడ్జెట్ కు దేవాదాయ శాఖ అనుమతి ఇచ్చింది. దేవస్థానంలో ఉద్యోగుల జీతాలకు రూ. 33.47 కోట్లు, ప్రసాదం తయారీ, ఆర్జిత సేవలు, వ్రతాల నిర్వహణ, పూజా సామగ్రి, వసతి గదులు, సత్రాలు, సామగ్రి తదితర వాటికి రూ. 20.82 కోట్లు కేటాయించారు. నిత్యాన్నదానం సరుకులు కొనుగోలుకు రూ 3.5 కోట్లు, వివిధ అభివృద్ధి కార్యక్రమాలు కోసం రూ. 13 కోట్లు బడ్జెట్లో కేటాయించారు.

ఇది కూడా చదవండి.