అలమూరులోని విద్యుత్ శాఖ కార్యాలయంలో రెండో రోజు ఏసీబీ తనిఖీలు

తూర్పుగోదావరి జిల్లా ఆలమూరులోని విద్యుత్ శాఖ కార్యాలయంలో ఏసీబీ అధికారులు రెండో రోజు తనిఖీలు నిర్వహించారు. వినియోగదారులకు విద్యుత్ మీటర్లు ఇచ్చే క్రమంలో సిబ్బంది ఏమైనా అక్రమాలకు పాల్పడ్డారా అనే కోణంలో విచారణ చేస్తున్నారు.

తూర్పుగోదావరి జిల్లా ఆలమూరులోని విద్యుత్ శాఖ కార్యాలయంలో ఏసీబీ అధికారులు తనిఖీలు నిర్వహించారు. రాజమహేంద్రవరం అనిశా డీఎస్పీ రామచంద్రరావు ఆధ్వర్యంలో రెండో రోజు జరిగిన సోదాల్లో సంబంధిత రికార్డులను పరిశీలించారు.

వివిధ గ్రామాల్లో సిబ్బంది పర్యటించి వ్యవసాయ, గృహాలకు విద్యుత్ మీటర్లు తీసుకున్న వినియోగదారుల వివరాలు నమోదు సేకరిస్తున్నారు. ఈ క్రమంలో సిబ్బంది ఎవరైనా డబ్బులు తీసుకున్నారా అనే కోణంలో విచారిస్తున్నట్లు డీఎస్పీ రామచంద్ర రావు వెల్లడించారు.

ఇదీచూడండి: ఆలమూరు విద్యుత్ ఉపకేంద్రంలో అనిశా తనిఖీలు