king cobra: వామ్మో.. కింగ్ కోబ్రా ఎంత పెద్దగా ఉందంటే..!

వర్షాకాలం ప్రారంభమవడం వల్ల ఆహ్లాదకరమైన వాతావరణంలో పాముల సంచారం పెరుగుతోంది. తూర్పు గోదావరి జిల్లాలో సరుగుడు తోటల్లో సుమారు 12 అడుగుల కింగ్ కోబ్రా హల్ చల్ చేసింది. తాము ఎప్పుడూ తిరిగే దారిలోనే కనిపించడంతో రైతులు ఆందోళన వ్యక్తం చేస్తున్నారు.

తూర్పుగోదావరి జిల్లా ప్రత్తిపాడు మండలం చింతలూరు సరుగుడు తోటల్లో కింగ్ కోబ్రా సంచరించడంతో రైతులు భయాందోళనలకు గురవుతున్నారు. సుమారు 12 అడుగుల పొడవున్న ఈ కోబ్రా సరుగుడు తోటలలో కనిపించింది. మనుషులను చూస్తు ఆగి ఆగి వెళ్తోందని రైతులు చెబుతున్నారు.

గ్రామానికి చెందిన బోడ్డు లోవరాజు, సూరిబాబు పొలాల్లో ఇంతకు ముందు చూశామని అంటున్నారు. అటవీ శాఖ అధికారులు పామును పట్టుకుని తమ పొలాలకి దూరంగా అటవీ ప్రాంతంలో విడిచిపెట్టాలని వారు కోరుతున్నారు.

ఇదీ చదవండి: