'పోటీ నుంచి తప్పుకో'.. వైకాపా శ్రేణుల బెదిరింపు!

చంద్రగిరిలో నామినేషన్ వేసిన స్వతంత్ర అభ్యర్థి భాస్కర్​రెడ్డిపై... వైకాపా ఎమ్మెల్యే చెవిరెడ్డి అనుచరులు దౌర్జన్యానికి పాల్పడ్డారు. కె.భాస్కర్‌రెడ్డి స్వతంత్రుడిగా బరిలో ఉంటే.... అదే పేరున్న వైకాపా ఎమ్మెల్యే చెవిరెడ్డి భాస్కర్‌రెడ్డికి నష్టం జరుగుతుందంటూ రెచ్చిపోయారు. స్వతంత్ర అభ్యర్థిగా నామినేషన్‌ ఉపసంహరించుకోవాలని భాస్కరెడ్డిని బెదిరించారు.

చిత్తూరు జిల్లా చంద్రగిరిలో స్వతంత్ర అభ్యర్థిగా నామినేషన్ వేసిన భాస్కర్​రెడ్డిపై... వైకాపా ఎమ్మెల్యే చెవిరెడ్డి అనుచరులు దౌర్జన్యానికి పాల్పడ్డారు. కె.భాస్కర్‌రెడ్డి స్వతంత్రుడిగా బరిలో ఉంటే.... అదే పేరున్న వైకాపా ఎమ్మెల్యే చెవిరెడ్డి భాస్కర్‌రెడ్డికి నష్టం జరుగుతుందంటూ రెచ్చిపోయారు. స్వతంత్ర అభ్యర్థిగా నామినేషన్‌ ఉపసంహరించుకోవాలని భాస్కరెడ్డిని బెదిరించారు. వెనక్కి తీసుకోకపోతే చంపేస్తామంటూ బెదిరిస్తున్నారని... భాస్కర్‌రెడ్డి భార్య గీత ఆరోపించారు. ఈ విషయంపై ముత్యాలరెడ్డిపల్లె పోలీస్‌స్టేషన్‌లో ఫిర్యాదు చేశారు. తమ కుటుంబానికి రక్షణ కల్పించాలని పోలీసులను కోరారు.