భర్త మరణాన్ని తట్టుకోలేక భార్య ఆత్మహత్య

భర్త మూడు నెలల క్రితం కరోనా బారిన పడి చనిపోయాడు. అతని మృతిని భార్య తట్టుకోలేక పోయింది. రోజూ అతని గురించే ఆలోచించింది. మానసికంగా చాలా కుంగిపోయిన ఆమె.. ఇంట్లో ఉరి వేసుకుని ఆత్మహత్యకు పాల్పడింది. ఈ ఘటన చిత్తూరు జిల్లాలో జరిగింది.

కరోనాతో మృతిచెందిన భర్తను మర్చిపోలేక భార్య ఆత్మహత్య చేసుకుంది. ఈ ఘటన చిత్తూరు జిల్లా ఏర్పేడు మండలం పెనుమలంలో చోటుచేసుకుంది. గ్రామానికి చెందిన బాబు మూడు నెలల కిందట కరోనాతో మృతిచెందాడు. అప్పటి నుంచి భార్య వాణి (33) రోజూ.. బాబునే గుర్తు చేసుకునేది. బాధపడుతూ ఉండేది. ఈ క్రమంలో ఉరి వేసుకుని ఆత్మహత్యకు పాల్పడింది. తల్లిదండ్రుల మృతితో పిల్లలు చరిత్ (6), హేమంత్ (4) అనాథలయ్యాలు.

ఇదీ చదవండి: రౌడీషీటర్ ఇమ్రాన్​ఖాన్ హత్య కేసు.. 8 మంది అరెస్ట్