నడిరోడ్డుపై ఇద్దరు ప్రభుత్వ ఉద్యోగుల ఘర్షణ

శాంతిభద్రలు నిర్వహించాల్సిన పోలీసులు నడిరోడ్డుపై ఘర్షణకు దిగారు. కర్ఫ్యూ సమయం కావడంతో తను వెళ్లేందుకు అవకాశం ఇవ్వాలని ఒకరూ.. మరో మార్గంలో వెళ్లాలని మరొకరు అనడంతో ఘర్షణ చోటుచేసుకుంది. ఈ ఘటన చిత్తూరు జిల్లా మదనపల్లెలో జరిగింది.

చిత్తూరు జిల్లా మదనపల్లెలో నడి రోడ్డుపై ఇద్దరు ప్రభుత్వ ఉద్యోగులు ఘర్షణ పడ్డారు. పట్టణంలో బెంగుళూరు బస్టాండ్ సమీపంలో బ్రిడ్జి వద్ద తనకు దారి ఇవ్వాలని ఫారెస్ట్ అసిస్టెంట్ బీట్ ఆఫీసర్ రామయ్య కోరగా... ట్రాఫిక్ కానిస్టేబుల్ జగదీశ్ ససేమిరా అనడంతో ఇద్దరు వాగ్వాదానికి దిగారు. కర్ఫ్యూ సమయం కావటంతో బారికేడ్ తొలగించలేనని వేరే దారిలో వెళ్లాలని కానిస్టేబుల్ సూచించారు. తాను ప్రభుత్వ ఉద్యోగినే కావటంతో వెళ్లేందుకు అవకాశం ఇవ్వాలని రామయ్య కోరారు. దీంతో మాటామాట పెరగడంతో ఇద్దరూ తోపులాటకు దిగారు. ఈ క్రమంలో రామయ్యపై ట్రాఫిక్ కానిస్టేబుల్ జగదీశ్ చెయ్యి చేసుకున్నారు. కర్ఫ్యూను ప్రశాంతంగా అమలు చేయాల్సిన ప్రభుత్వ ఉద్యోగులు ఇలా నడిరోడ్డుపై ఘర్షణకు దిగటం మదనపల్లెలో చర్చనీయాశంగా మారింది.

ట్రాఫిక్ కానిస్టేబుల్ జగదీశ్ ససేమిరా అనటంతో ఇద్దరూ వాగ్వాదానికి దిగారు.

ఇదీ చదవండి..