Police blocked Lokesh: చిత్తూరు రూరల్‍ మండలంలో యువగళం పాదయాత్ర నిర్వహిస్తున్న లోకేశ్ను పోలీసులు అడ్డుకున్నారు. ఎన్ఆర్పేటలోని ఎన్టీఆర్ కూడలిలో లోకేశ్ను కలిసేందుకు వచ్చిన ప్రజల్ని ఉద్దేశించి మాట్లాడుతుండగా.. సభకు అనుమతి లేదంటూ పోలీసులు అడ్డుపడ్డారు. రాజ్యాంగం కల్పించిన హక్కులు హరించడం దారుణం అంటూ పోలీసులపై లోకేశ్ ఆగ్రహం వ్యక్తం చేశారు.
జీఓ 1 ప్రకారం రోడ్ల మీద సమావేశం ఏర్పాటు చెయ్యడానికి అనుమతి లేదంటూ పోలీసులు తెలిపారు. అందుకే ప్రత్యామ్నాయం చూపించాలని ముందుగానే అడిగామని లోకేశ్ పోలీసులకు తెలిపారు. ఎక్కడ సభ నిర్వహించుకోవాలో మీరే చెప్పండంటూ లోకేశ్ డీఎస్పీని ప్రశ్నించారు. ఎన్టీఆర్ కూడలిలో స్టూల్పై నిలబడి చిన్న మైక్తో తనని కలవడానికి వచ్చిన ప్రజల్ని ఉద్దేశించి లోకేశ్ మాట్లాడారు. జగన్కు భయమంటే ఏంటో చూపిస్తానని... సభ పెట్టుకోడానికి ఎక్కడా అనుమతి ఇవ్వకపోతే ఎక్కడ పెట్టాలని.. తాడేపల్లి ప్యాలస్లో పెట్టుకోవాలా అంటూ పోలీసుల్ని ప్రశ్నించారు. దీంతో మైక్ లాక్కోవడానికి పోలీసులు ప్రయత్నించారు.
ఇవీ చదవండి:
