చిత్తూరు జిల్లాలోని తంబళ్లపల్లి వైద్యవిధాన పరిషత్ సామాజిక ఆసుపత్రిలోని రోగుల మంచాల మరమ్మతులకు కన్నెమడుగు దాతలు దేవరింటి రామకృష్ణారెడ్డి, రవిశంకర్రెడ్డిలు రూ.10 వేలు విరాళంగా అందజేశారు. ముఖ్యమంత్రి జగన్మోహన్ రెడ్డి జన్మదినం సందర్భంగా రోగులకు పాలు, పండ్లు అందజేశారు. మూడు రోడ్ల కూడలి, రాగి మాను క్రాస్లోని దివంగత ముఖ్యమంత్రి వైఎస్ రాజశేఖర్ రెడ్డి విగ్రహాలకు నివాళులర్పించారు. నవరత్నాలు అమలుపై ప్రచారం నిర్వహించారు.
ఎమ్మెల్యే రక్తదానం
కురబలకోట మండలం అంగళ్లులో సీఎం జగన్ పుట్టినరోజు సందర్భంగా ఎమ్మెల్యే పెద్దిరెడ్డి ద్వారకనాథరెడ్డితో పాటు ఆయన అనుచరులు రక్తదానం చేశారు. ఈ కార్యక్రమంలో ఆరు మండలాల వైకాపా నాయకులు, కార్యకర్తలు, ప్రజలు పాల్గొన్నారు. నియోజకవర్గంలోని అన్ని మండల కేంద్రాల్లో జగన్ జన్మదినాన్ని ఘనంగా నిర్వహించారు.
ఇదీ చదవండి : సీఎం జన్మదినం సందర్భంగా విద్యార్థినిని దత్తత తీసుకున్న ఎమ్మెల్యే రోజా
