వేంకటేశ్వరుని సేవలో నటి సుమలత

నటి సుమలత తిరుమల శ్రీవారిని దర్శించుకున్నారు. భర్త అంబరీష్ కలలను సాకారం చేసేందుకే రాజకీయాల్లోకి వస్తున్నట్లు తెలిపారు. మండ్య ప్రజల అభివృద్ధే లక్ష్యంగా పని చేస్తానన్నారు.

సినీనటి సుమలత తిరుమల శ్రీవారిని దర్శించుకున్నారు. వేకువజామున శ్రీవారి సుప్రభాత సేవలోపాల్గొన్న ఆమెకు ఆలయ అధికారులు స్వామివారి తీర్థ ప్రసాదాలుఅందజేశారు. సుమలతతోపాటు ప్రముఖ కన్నడ నిర్మాత రాక్ లైన్ వెంకటేష్ స్వామి సేవలో పాల్గొన్నారు.కర్ణాటక రాష్ట్రం మండ్య ప్రాంతం నుంచి స్వతంత్ర అభ్యర్థిగా పోటీ చేస్తున్నానన్న సుమలత బుధవారం ఉదయం నామినేషన్ వేసి ప్రచారం మొదలు పెడుతున్నట్లు తెలిపారు. 3 దశాబ్దాలపాటు అంబరీష్​ను ఆదరించిన మండ్య ప్రజల కోసం తాను రాజకీయాల్లోకి వచ్చినట్లు సినీనటి సుమలత తెలిపారు. కర్ణాటకలోని మండ్య నియోజకవర్గంలో పోటీ నుంచి తప్పుకుంటే మంత్రి పదవి ఇస్తామని కాంగ్రెస్ అధిష్ఠానం చాలాసార్లు ప్రలోభపెట్టిందన్నారు. తనను గెలిపించిన మండ్య ప్రజల కోసం వాటిన్నంటినీ వదులుకున్నట్లు తెలిపారు. స్వతంత్ర అభ్యర్థిగా బుధవారం మండ్య పార్లమెంటు స్థానానికి నామినేషన్ దాఖలు చేస్తారు.అంబరీష్ కలల సాధనే లక్ష్యంగా రాజకీయాల్లోకి వస్తున్నట్లు సుమలత తెలిపారు.