చిత్తూరు జిల్లా చంద్రగిరి మండలం శ్రీనివాసమంగాపురంలోని శ్రీ కల్యాణ వేంకటేశ్వరస్వామివారి ఆలయంలో ప్రతి ఏటా ఆషాడ మాసంలో వచ్చే ఉత్తర ఫల్గుణి నక్షత్రానికి నిర్వహించే శ్రీవారి సాలకట్ల సాక్షాత్కార వైభవోత్సవం జులై 13 నుంచి 15వ తేదీ వరకు జరగనుంది. ఈ సందర్భంగా ఆలయంలో ప్రత్యేక కార్యక్రమాలు నిర్వహించనున్నారు.
రోజుల వారీగా స్వామి వారి దర్శనం..
- మొదటి రోజు రాత్రి 6 గంటలకు పెద్దశేష వాహనంపై స్వామివారి దర్శనం
- రెండవరోజు హనుమంత వాహనంపై స్వామి వారి దర్శనం
- మూడవరోజు గరుడవాహనంపై స్వామి వారి దర్శనం
- చివరగా జూలై 16వ తేదీన పార్వేట ఉత్సవం నిర్వహిస్తారు.
శ్రీవారి సాలకట్ల సాక్షాత్కార వైభవోత్సవాల ముందు కోయిల్‌ ఆళ్వార్‌ తిరుమంజనం నిర్వహించడం ఆనవాయితీగా వస్తుంది. ఈ కార్యక్రమం రేపు ఉదయం 6.30 గంటల నుంచి 11.30 గంటల వరకు జరుగనుంది. కొవిడ్ దృష్ట్యా ఈ కార్యక్రమాలన్ని ఏకాంతంగా నిర్వహించనున్నట్లు తితిదే పేర్కొంది.
ఇదీ చదవండి:
