సారా తయారీ కేంద్రాలపై పోలీసుల దాడులు

రాష్ట్రంలో పలుజిల్లాలో పోలీసుల కార్డన్ సెర్చ్ నిర్వహించారు. వివిధ ప్రాంతాలలో నాటుసారా కేంద్రాలపై దాడులు చేశారు. పెద్దమొత్తంలో నాటుసారాను స్వాధీనం చేసుకుని..బెల్లం ఊటలను ధ్వంసం చేశారు.

చిత్తూరు జిల్లాలో..
నగరి మండలం తడుకుపేటలో పోలీసులు కార్డన్ సెర్చ్ నిర్వహించారు. ప్రతి ఇంటిని పరిశీలించి...వాహన రికార్డులను పరిశీలించారు. ఇళ్లను తనీఖీ చేస్తుండగా.... అక్రమంగా నిల్వ ఉంచుకున్న 30 లీటర్ల నాటుసారను ముగ్గురు వ్యక్తులను అరెస్టు చేశారు. వారిని విచారించగా...1200 లీటర్ల బెల్లం ఊటను ధ్వంసం చేసారు. నగిరి సీఐ మద్దయ్య ఆచారి ప్రజలను హెచ్చరించారు. నాటుసారా తయారు చేస్తే ..కఠిన చర్యలు తీసుకుంటామని తెలిపారు. సారా తయారీ కానీ అనుమానాస్పదంగా తిరుగుతున్న వ్యక్తులగురించి పోలీసులకు సమాచారం అందించి తమకు సహకరించాలని కోరారు.

అనంతపురం జిల్లాలో..
విడపనకల్లు మండలం సమీపంలోని కొండ ప్రాంతంలో నాటుసారా స్థావరాలపై ఎక్సైజ్ పోలీసులు దాడులు చేశారు. ఉరవకొండ ఎక్సైజ్ సీఐ, సిబ్బందితో కలిసి అక్కడికి చేరుకుని...200 లీటర్ల నాటు సారా ఊటలను ధ్వంసం చేశారు. ఇద్దరిని అదుపులోకి తీసుకున్నారు. నాటు సారా తయారీ చేస్తే తమ దృష్టికి తీసుకొని రావాలని స్థానికులకు పోలీసులు సూచించారు.

నెల్లూరు జిల్లాలో..
వరికుంటపాడు మండలం అశోక్ నగర్ గ్రామ శివార్లలో నాటుసారా స్థావరాలపై పోలీసులు దాడులు చేశారు. ఎక్సైజ్ సీఐ శ్రీనివాసులు 1000లీటర్ల నాటుసారా ఊటను ధ్వంసం చేశారు. సారాను తయారు చేస్తున్న వారిపై కేసు నమోదు చేశారు.

ఇదీచూడండి.