కరోనా విజృంభణ వల్ల ఆక్సిజన్ కొరతతో తీవ్ర ఇబ్బందులు పడుతున్న ప్రస్తుత రోజుల్లో.. సొంతంగా ఆక్సిజన్ ప్లాంట్ ఏర్పాటు చేసుకుని చిత్తూరు జిల్లా శ్రీకాళహస్తిలోని ఎంజీఎం ప్రైవేట్ వైద్యశాల ఆదర్శంగా నిలుస్తోంది. గంటకు 5 వేల లీటర్ల ఆక్సిజన్ తయారు చేసే ప్లాంటును ఏర్పాటు చేసుకుంది. ఇందుకోసం సుమారు రూ.30 లక్షలు వెచ్చించింది. దీనిని స్థానిక ఎమ్మెల్యే బియ్యపు మధుసూదన్ రెడ్డి ప్రారంభించారు. ఆసుపత్రి ముందస్తు ప్రణాళికను ఆయన అభినందించారు.
ఇప్పటికే ఆసుపత్రిలోని 20 పడకలను కరోనా వార్డుగా కేటాయించడంతో అవసరానికి అనుగుణంగా అధిక సంఖ్యలో పడకల కేటాయించాలని ఎమ్మెల్యే సూచించారు. ప్లాంట్తో ప్రస్తుతం 40 బెడ్లకు అవసరమైన ఆక్సిజన్ ఉత్పత్తి సమకూరనున్నట్లు ఎంజీఎం సంస్థల డైరెక్టర్ మయూర్ తెలిపారు. భవిష్యత్తు అవసరాలను దృష్టిలో ఉంచుకుని.. కొత్తగా శ్రీకాళహస్తిలో ఆక్సిజన్ ప్లాంట్ను ఏర్పాటు చేయనున్నట్లు మయూర్ వివరించారు.
ఇవీ చదవండి:
తమిళ పోరు: కౌంటింగ్కు వేళాయెరా
కరోనా నియంత్రణలో కేంద్ర, రాష్ట్ర ప్రభుత్వాలు విఫలం: చింతా మోహన్
