వారం రోజుల్లో తిరుపతి ఉపఎన్నిక ప్రచారానికి జనసేనాని!

వారం రోజుల్లో పవన్ కల్యాణ్ తిరుపతి పార్లమెంట్ పరిధిలో పర్యటిస్తారని.. జనసేన నేత నాదెండ్ల మనోహర్‌ అన్నారు. రత్నప్రభ అభ్యర్థిత్వంపై జనసేన సంతృప్తిగా ఉందని తెలిపారు. భాజపా-జనసేన కూటమి అభ్యర్థి విజయం కోసం కృషి చేస్తామని ఆయన స్పష్టం చేశారు.

రోజుకు 500కోట్ల రూపాయలు అప్పులు చేస్తూ ప్రభుత్వాన్ని నడుపుతున్న వైకాపా వైఫల్యాన్ని ప్రజల్లోకి తీసుకువెళ్తామని జనసేన పార్టీ రాజకీయ వ్యవహారాల కమిటీ ఛైర్మన్ నాదెండ్ల మనోహర్ అన్నారు. తిరుపతి లోక్​సభ ఉపఎన్నికల్లో భాజపాకు మద్దతు తెలుపుతూ.. ప్రచారం నిర్వహించేందుకు రేణిగుంట విమానాశ్రయానికి చేరుకున్న ఆయనకు..పార్టీ నాయకులు, కార్యకర్తలు ఘనస్వాగతం పలికారు.

అనంతరం మీడియాతో మాట్లాడిన నాదెండ్ల...రత్నప్రభ అభ్యర్థిత్వంపై జనసేన పూర్తిస్థాయి సంతృప్తితో ఉందన్నారు. వచ్చే వారంలో పవన్ కల్యాణ్ ప్రచారానికి వస్తారన్న మనోహర్..భాజపా-జనసేన కూటమి అభ్యర్థి విజయం కోసం కృషి చేస్తామని స్పష్టం చేశారు.

ఇదీ చదవండి: కరోనా కలవరం... ఒక్కరోజే వెయ్యి దాటిన కొవిడ్ కేసులు