తిరుమల శ్రీవారి ఆలయంలో కోయిల్‌ ఆళ్వార్ తిరుమంజనాన్ని తితిదే వైభవంగా నిర్వహించింది. ఈ నెల 16న ఆణివార ఆస్థానాన్ని పురస్కరించుకుని... ఆలయ శుద్ధి కార్యక్రమాన్ని చేపట్టారు. వేకువజామున స్వామివారికి సుప్రభాతం, అర్చన సేవల అనంతరం శ్రీవారి మూలవిరాట్టును పట్టు వస్త్రంతో అర్చకలు పూర్తిగా కప్పివేశారు. నాముకోపు, శ్రీ చూర్ణం, గంధం పొడి తదితర సుగంధ ద్రవ్యాలు కలగలిపిన పవిత్ర జలంతో... ప్రదక్షిణగా వెళ్లి ఆలయ శుద్ధి కార్యక్రమం నిర్వహించారు. ఆనందనిలయం, బంగారువాకిలి, శ్రీవారి ఆలయంలోని ఉపదేవాలయాలు, ఆలయ ప్రాంగణాలను శుభ్రపరిచారు. తర్వాత స్వామికి ప్రత్యేక పూజ, నైవేధ్యం సమర్పించారు.
ఇదీ చదవండి:
