అవినీతిరహిత రాజకీయాలు, పర్యావరణ పరిరక్షణ, ఓటు ప్రాముఖ్యత వంటి అంశాలపై సందేశానిస్తూ... హరియాణా రాష్ట్రానికి చెందిన ఓ యువకుడు సైకిల్పై భారత్ యాత్ర చేస్తున్నాడు. ఈ యాత్ర తిరుపతి నగరానికి చేరుకుంది. హరియాణాలోని రేవాడీ ప్రాంతానికి చెందిన చంద్రప్రకాష్ యాదవ్ స్వస్థలం నుంచి ఫిబ్రవరి 11న సైకిల్పై భారత్ యాత్ర ప్రారంభించాడు. 75 రోజుల్లో ఇప్పటికి 5వేల కిలోమీటర్లు ప్రయాణించిన చంద్రప్రకాష్... తన యాత్రలో భాగంగా రాజస్థాన్, గుజరాత్, మహారాష్ట్ర, గోవా, తమిళనాడు రాష్ట్రాల్లో పర్యటించినట్లు తెలిపాడు. దేశంలో శాంతి, సమైక్యత నెలకొల్పాలనే లక్ష్యంతోనే దేశవ్యాప్తంగా పర్యటిస్తున్నానన్న చంద్రప్రకాష్... పర్యావరణ పరిరక్షణ, అవినీతి నిర్మూలనపై, అవినీతి రాజకీయాలపై పోరాడేందుకు యువత ముందుకు రావాలని కోరుకుంటున్నట్లు పేర్కొన్నారు.
ఇదీ చదవండి...
