నీటిగుంతలో పడి.. పదేళ్ల బాలుడు మృతి

ఆదివారం సెలవు దినం కావడంతో ఆనందంగా గడపాలనుకున్నాడు ఆ బాలుడు. కానీ అది అతనికి చివరి దినం అవుతుందని ఊహించలేక పోయాడు. తెలియక వేసిన అడుగు బాలుడిని తిరిగిరాని లోకాలకు తీసుకెళ్లింది.

ఉపాధిహామీ గుంత ఓ నిండు ప్రాణాన్ని బలిగొంది. చిత్తూరు జిల్లా చంద్రగిరి నియోజకవర్గం పాకాల మండలం చెన్నుగారిపల్లికి పంచాయతీ చెందిన ఈశ్వర్ యాదవ్ కుమారుడు వరుణ్ యాదవ్(10) స్థానిక స్కూల్లో ఐదో తరగతి చదువుతున్నాడు. ఆడుకునేందుకని వెళ్తూ... ఉపాధి హామీ కోసం తవ్విన నీటి గుంత ఉంది. దారి కనబడక పోవడంతో కాలుజారి గుంతలో పడ్డాడు. స్థానికులు బాలుడిని బయటకు తీసి, స్థానిక పి.కొత్తకోట ప్రభుత్వ ఆసుపత్రికి తీసుకెళ్లారు. పరిస్థితి విషమిచడంతో చిత్తూరు ప్రభుత్వ ఆసుపత్రికి తరలించారు. మార్గమధ్యంలో వరుణ్ మృతి చెందాడు. గ్రామంలో విషాదఛాయలు అలుముకున్నాయి. దారిలేకుండా తవ్వడం వల్లే విద్యార్థి మృతి చెందాడని తల్లితండ్రులు ఆరోపిస్తున్నారు.