మృతుల కుటుంబాలకు తక్షణ సాయం 50 వేలు

చిత్తూరు జిల్లాలో జిరిగిన ఘోర రోడ్డు ప్రమాదం...11 మందిని బలిగొంది. అతివేగంగా దూసుకొచ్చిన కంటైనర్‌ ఓమ్నీవ్యాన్, ఆటో, ద్విచక్రవాహనంపై బోల్తాపడటంతో 11 ప్రాణాలు నుజ్జునుజ్జయ్యాయి. వీరిలో ఒకే కుటుంబానికి చెందిన 8 మంది ఉన్నారు. మృతుల కుటుంబాలకు ఒక్కొక్కరికి తక్షణ సాయం కింద 50 వేలు ఇవ్వనున్నట్టు ప్రభుత్వం ప్రకటించింది.

చిత్తూరు జిల్లాలో జరిగిన రోడ్డు ప్రమాదంపై ప్రభుత్వం స్పందించింది. మృతుల కుటుంబాలకు తక్షణ ఆర్థిక సాయం ప్రకటించింది. 50 వేల చొప్పున ఇవ్వనున్నట్టు తెలిపింది. భారీ కంటెయినర్ మీద పడిన ప్రమాదంలో.. ఇప్పటివరకూ 11 మంది మృత్యు వాతపడ్డారు. వీరిలో ఒకే కుటుంబానికి చెందిన 8 మంది ఉన్నారు. మృతులంతా చిత్తూరు జిల్లాలోలని గంగవరం మండలం మర్రి మాకుల పల్లి గ్రామానికి చెందిన వారిగా పోలీసులు ఇప్పటికే గుర్తించారు.