చిత్తూరు తాలూకా పోలీస్స్టేషన్ పరిధిలోని మద్యం ఫ్యాక్టరీలో చోరికి పాల్పడిన వ్యక్తుల్ని పోలీసులు అరెస్టు చేశారు. చిత్తూరులోని మురకంబట్టు బైపాస్రోడ్డులో ఉన్న శ్రీ కృష్ణ ఎంటర్ప్రైజస్ లిక్కర్ ఫ్యాక్టరీని లాక్డౌన్ కారణంగా మూసివేశారు. దీనిని ఆసరాగా చేసుకుని గత నెల 31వ తేదీన 110 మద్యం కాటన్లు దొంగతనానికి గురయ్యాయని ఫ్యాక్టరీ మేనేజర్ మనోహరన్ పోలీసులకు ఫిర్యాదు చేశారు. కేసు నమోదు చేసుకున్న పోలీసులు.. మళ్లీ ఫ్యాక్టరీలోకి దొంగతనం చేయడానికి వచ్చిన ఐదుగురిని పట్టుకుని అరెస్టు చేశారు. వారి నుంచి మద్యం విక్రయించగా వచ్చిన 3,07,500 రూపాయలను స్వాధీనం చేసుకున్నారు. నిందితులను రిమాండ్కు తరలించామని చిత్తూరు డీఎస్పీ ఈశ్వర్ రెడ్డి తెలిపారు.
ఇదీచదవండి.
