ఆంధ్రప్రదేశ్ రెండో ముఖ్యమంత్రిగా వైఎస్ జగన్మోహన్ రెడ్డి ప్రమాణ స్వీకారం చేశారు. అతిరథ మహారథుల మధ్య, అశేష జన సందోహం నడుమ ఈ వేడుక వైభవంగా జరిగింది. కార్యక్రమం ముగిసిన తర్వాత జగన్ ప్రజలకు అభివాదం చేస్తుండగా విజయమ్మ భావోద్వేగానికి లోనయ్యారు. కొడుకును ముఖ్యమంత్రిగా చూడాలనే కోరిక నెరవేరిన వేళ తల్లి కంటతడి పెట్టుకున్నారు. కన్నీళ్లను అదుపు చేసుకునేందుకు విజయమ్మ ప్రయత్నించినా... ఆ ఆనందభాష్పాలు ఆగలేదు. గమనించిన జగన్.... వెంటనే తల్లిని దగ్గరకు తీసుకుని ఓదార్చారు. అప్పుడు ఆ తల్లి హృదయం శాంతించింది. వేదికపై ఈ దృశ్యం అందరినీ భావోద్వేగానికి గురి చేసింది.
ఇదీ చదవండీ: తొమ్మిదేళ్ల కల ఫలించిన వేళ.. "జగన్ ప్రస్థానం"
