బహుజన సమాజ్​తో జనసేన పొత్తు

సార్వత్రిక ఎన్నికల్లో జనసేన, బహుజన్ సమాజ్ పార్టీలు కలిసి పోటీ చేయనున్నాయి. ఆంధ్రప్రదేశ్​తో పాటు.. తెలంగాణలోనూ తమ మధ్య పొత్తు ఉంటుందని జనసేన అధ్యక్షుడు పవన్ చెప్పారు. లఖ్​నవూ వెళ్లి మాయావతితో పొత్తులపై చర్చించారు.

సార్వత్రిక ఎన్నికల్లో కలిసి పోటీ చేయాలని జనసేన, బహుజన్ సమాజ్ పార్టీలు నిర్ణయించాయి. ఉత్తరప్రదేశ్ లోని లఖ్​నవూకు వెళ్లిన జనసేన అధ్యక్షుడు పవన్ కళ్యాణ్... బీఎస్పీ అధినేత్రి మాయావతితో చర్చించారు. ఆంధ్రప్రదేశ్​తో పాటు.. తెలంగాణలోనూ కలిసి పని చేస్తామని పవన్ చెప్పారు. మాయావతి ప్రధాని కావడమే లక్ష్యంగా పని చేస్తామన్నారు. త్వరలోనే సీట్ల పంపకాలపై నిర్ణయం తీసుకుంటామని తెలిపారు. దేశానికి భాజపా, కాంగ్రెస్ చేసిందేమీ లేదని మాయావతి అన్నారు. ప్రజలు నాయకత్వ మార్పును కోరుకుంటున్నారని చెప్పారు.