ఇంటర్లో గ్రేడింగ్ విధానానికి రాష్ట్ర ప్రభుత్వం స్వస్తి పలికింది. గ్రేడింగ్ విధానంలో ఎదురవుతున్న సమస్యల కారణంగా ఈ మేరకు ఇంటర్ విద్యామండలి నిర్ణయం తీసుకుంది. గతంలో మాదిరిగానే మార్కులలను ఇచ్చేందుకు నిర్ణయించింది. మార్కులను నేటి ఉదయం 10 గంటల నుంచి జన్మభూమి వెబ్సైట్లో పొందవచ్చని పేర్కొంది.
ఇతర రాష్ట్రాల్లో ప్రవేశాలకు అడ్డంకులు
విద్యార్థుల్లో మార్కులు తగ్గుతున్నాయన్న ఆత్మనూన్యతభావంతో వారు బలవన్మరణాలకు పాల్పడుతున్నారని వాటిని నిలువరించేందుకు 2017-18 లో ఇంటర్ మెుదటి ఏడాదికి 2018-19లో ద్వితీయ సంవత్సరానికి గ్రేడింగ్ విధానాన్ని అమలు చేస్తున్నారు. దింతో మార్కులకు బదులుగా గ్రేడింగ్ పాయింట్లు కేటాయించారు. కానీ ఇతర రాష్ట్రాల్లో ప్రవేశాలు పొందాలంటే గ్రేడింగ్ విధానం వల్ల ప్రతిబంధకాలు ఎదురవుతున్నాయి. చాలా రాష్ట్రల్లో మార్కుల విధానం అందుబాటులో ఉండటంతో ఈ సమస్య ఉత్పన్నమవుతుంది. తాజగా దిల్లీ వర్సటీ కళశాలల్లో ప్రవేశాలకు దరఖాస్తు చేసుకోగా...గ్రేడు పాయింట్లను మార్కులుగా మార్చడంలో ఇబ్బందులు తలెత్తాయి. ఈ విషయాన్ని దిల్లీ వర్సటీ అధికారులు విద్యాశాఖ మంత్రి సురేష్ దృష్టికి తీసుకువచ్చారు. సమస్యపై స్పందించిన ఆయన గ్రేడింగ్ బదులు మార్కులు ఇవ్వాలంటూ అధికారులను ఆదేశించారు.
ఇదీచదవండి
