నేటి నుంచే 9 గంటల ఉచిత విద్యుత్

వ్యవసాయానికి సాయం అందించడమే లక్ష్యంగా తెదేపా ప్రభుత్వం పనిచేస్తోందని సీఎం చంద్రబాబు అన్నారు. వ్యవసాయానికి అందించే 7 గంటల విద్యుత్ సరఫరాను 9 గంటల పెంచుతూ సీఎం తీసుకున్న నిర్ణయాన్ని నేటి నుంచి అమలుచేస్తున్నట్లు ఏపీఎస్​పీడీసీఎల్ తెలిపింది.

సీఎం చంద్రబాబు అన్నదాతలకు ప్రకటించిన విద్యుత్ పెంపును నేటి నుంచి అమలుచేస్తున్నట్లు రాష్ట్ర విద్యుత్ సరఫరా సంస్థ ఏపీఎస్​పీడీసీఎల్ తెలిపింది. 8 జిల్లాల రైతులకు నేటి నుంచి 9 గంటల పాటు ఉచిత విద్యుత్ అందించనున్నట్లు సంస్థ సీఎండీ ఎం నాయక్ ప్రకటించారు. వ్యవసాయానికి 9 గంటలు ఉచిత విద్యుత్ అందించాలన్న సీఎం ఆదేశాలనుగుణంగా ఈ నిర్ణయం తీసుకున్నట్లు ఆయన తిరుపతిలో తెలిపారు. ఏపీఎస్​పీడీసీఎల్ పరిధిలో ఉన్న చిత్తూరు, కడప, కర్నూలు, అనంతపురం, నెల్లూరు, ప్రకాశం, కృష్ణా, గుంటూరు జిల్లాల రైతులు ఈ సౌకర్యం పెందనున్నట్లు వెల్లడించారు. ఈ నిర్ణయంతో 14 లక్షల రైతులకు లబ్ధి చేకూరునుందన్నారు.