'ధర్మపోరాట నిరసనలు చేయండి'

ప్రధానమంత్రి నరేంద్రమోదీ రాష్ట్ర పర్యటనకు వ్యతిరేకంగా...నిరసనలు చేయాలని ముఖ్యమంత్రి చంద్రబాబు పార్టీ శ్రేణులకు పిలుపునిచ్చారు.

రాష్ట్రానికి ప్రధాని మోదీ రాకను నిరసిస్తూ ఎక్కడికక్కడ ధర్మపోరాట నిరసనలు చేయాలని... పార్టీ నేతలకు సీఎం చంద్రబాబు సూచించారు. అమరావతి నుంచి పార్టీ శ్రేణులతో టెలీకాన్ఫరెన్స్​లో మాట్లాడిన చంద్రబాబు... మోదీ విశాఖ పర్యటన మరో కుట్రని పేర్కొన్నారు. విశాఖ జోన్ ప్రకటన ఓ మాయా జోన్ అని అభిప్రాయపడ్డారు. 5 కోట్ల మంది నిరసన ఇవాళ ప్రతిబింబించాలన్నారు. 12 పార్లమెంటు నియోజకవర్గాల సమీక్షలు పూర్తిచేసుకున్నామన్న సీఎం... ఇంకో 13 నియోజకవర్గాల సమీక్ష త్వరలోనే పూర్తిచేస్తామని చెప్పారు. ఎన్నికల షెడ్యూల్ ప్రకటన మరో 5-6 రోజుల్లో వచ్చే అవకాశం ఉందని... నేతలందరు ప్రజల్లోనే ఉండాలని ఆదేశించారు.